ავტორი: Giorgi Laluashvili, თარიღი:

Ferrari-იმ წარმოადგინა, მისი ყველაზე სწრაფი და მძლავრი ავტომობილი – სპორტქარი 812 Superfast, რომელიც შეცვლის F12Berlinetta-ს. ძრავი 12 ცილინდრიანი 6,5 ლიტრიანი ცხოველია 800 ცხენისძალით. სუპერქარს სრულად მართვადი შასი აქვს Virtual Short Wheelbase 2.0 და საჭის ელექტრო გამაძლიერებელი EPS (Electric Power Steering).

აჩქარება 0-დან 100კმ/სთ-მდე 2,9 წამს საჭიროებს. მაქსიმალური სიჩქარე 340კმ/სთ, საშუალო წვა 14,9 ლიტრი 100 კილომეტრზე.

მანქანის გაბარიტებია: 4657 × 1971 × 1276, ხოლო წონა 1525კგ. ფერარის ახალი სუპერქარი წარდგება ჟენევის საერთაშორისო ავტოგამოფენაზე 2017 წლის მარტში.

ავტორი: Giorgi Laluashvili, თარიღი:

ჩინურ ინფორმაციაზე დაყრდნობით HMD Global აპირებს ლეგენდალური Nokia N სერიის სმარტფონების გამოშვების განახლებას, რაც გავრცელებული ფოტოებით მტკიცდება, ინფორმაციაზე დაყრდნობით ახალმა სმარტფონმა გაიარა მოსამზადებელი ტესტირებები და თებერვლის ბოლოს იქნება წარმოდგენილი და მისი დებიუტი თებერვლის ბოლოს ბარსელონაში მობილურების მსოფლიო კონგრესის გამოფენაზე მოხდება.

ავტორი: Giorgi Laluashvili, თარიღი:

კორპორაცია მაიკროსოფთის შემდგომი სათამაშო კონსოლი კოდური სახელით პროექტი სკორპიო, ძალზე კონკურენტუნარიანი იქნება და სონის სათამაშო კონსოლს Playstation 4-ს გავრცელებული ინფორმაციით აჯობებს კიდეც, საუბარია 6 ტერაფლოპ გრაფიკულ წარმადობაზე, რაც Radeon RX 480-ს უტოლდება, რაც სკორპიოს სათამაშო კონსოლებს შორის ყველაზე მძლავრს გახდის და ამჟამად ლიდერ PS4 Pro-ზე ნახევარჯერ მეტი მწარმოებლურობა ექნება, 4K გამოსახულებით. სათამაშო კონსოლს გამოფენა E3-ზე 11 ივნისს წარმოადგენენ, სავარაუდო ფასი 500-600$ იქნება.

ავტორი: Giorgi Laluashvili, თარიღი:

ინდურმა ავტომწარმოებელმა ტატა მოტორსმა ტექნოლოგიურ თანამშრომლობაზე შეთანხმებას მოაწერა ხელი კომპანია მაიკროსოფთის შიდა დანაყოფთან. სტრატეგიული პარტნიორები ვალდებულნი იქნებიან გამოიყენონ ინფორმაციული ტექნოლოგიების მიღწევები, რათა ავტომობილის მართვა უფრო ინდივიდუალური გახადონ. პირველი სატრანსპორტო საშუალებების ჩვენება, სადაც ტატა მოტორსის და მაიკროსოფთის საერთო საავტომობილო სამართავი პროცესის ტექნოლოგია იქნება დანერგილი ჟენევას საერთაშორისო საავტომობილო გამოფენაზე მოხდება 7 მარტს.

ავტორი: Giorgi Laluashvili, თარიღი:

ახალ ინფორმაციაზე დაყრდნობით, რომელიც ანალიტიკურმა კომპანია გარტნერმა გამოაქვეყნა კომპანია ბლექბერის წილი სმარტფონების ბაზარზე დამრგვალებით 0,0%-ია. 4-ე კვარტალში შარშან ბლექბერიმ 207 ათასი სმარტფონი გაყიდა. 2007 წელს პირველი iPhone-ის ბაზარზე გამოჩენის დროს ბლექბერის წილი სმარტფონების ბაზარზე 9,6%-ს შეადგენდა, ხოლო შემდგომი წლების განმავლობაში 2008 წელს 16,6% და 2009 წელს 19,9% შეადგინა და შემდგომ დაიწყო ვარდნა. დღეს ანდროიდი და iOS იკავებენ ამ ბაზრის წილის 99,6%-ს, ანდროიდ ეკუთვნის ბაზრის 81,7%, ხოლო ვინდოუსს 0,3%.

ავტორი: Giorgi Laluashvili, თარიღი:

ინდოეთის კოსმოსური გამოკვლევების ორგანიზაციამ (Indian Space Research Organisation) განახორციელა ორბიტაზე ერთდროულად 104 წარმატებული თანამგზავრის გაშვება, რითიც ახალი რეკორდი დაამყარა. წინა რეკორდი 2014 წელს დამყარდა რუსული რაკეტის მიერ ორბიტაზე 37 თანამგზავრის გაშვებით. ინდოეთის პრემიერ მინისტრმა ნარენდრა მოდიმ განაცხადა, რომ ეს ნაციისთვის და მთლიანად კოსმოსური გაერთიანებისთვის ძალზე მნიშვნელოვანი მომენტია. 88 Dove თანამგზავრი ეკუთვნის კომპანია Planet-ს, ხოლო სხვა დანარჩენები ისრაელს, ინდოეთს, შვეიცარიას, ჰოლანდიას და ყაზახეთს. Dove თანამგზავრის მასა 4,5 კილოგრამია, ხოლო ინფორმაციის გადაცემის სიჩქარე 200 მეგაბიტი წამში.